Ысык-Көл облусунун Тоң районунда эки унаа кагышып, айдоочулары жаракат алышты.
ӨКМдин басма сөз кызматынан билдиришкендей, кече, 7-июнда саат 21:17де өрт-куткаруу бөлүмүнүн куткаруучулары Бөкөнбаев айылында «ВАЗ 2106» үлгүсүндөгү унаа менен «Ауди С4» үлгүсүндөгү унаа кагышкан жерге куткаруу иштерин жүргүзүү үчүн барышкан.
«Жол кырсыктын кесепетинен 2 унаанын айдоочулары жеңил жаракат алышкан»,-деп айтылат маалыматта.
Медициналык тез жардам кызматкерлери жабыркагандарды ооруканага алып кетишкен.
