Баткен облусундагы 61 айыл ичүүчү суу менен камсыз болуусу үчүн иш-аракеттер башталды. Бул тууралуу өкмөттүн Баткен облусундагы өкүлчүлүгү кабарлады.
Маалыматка ылайык, облус башчысы Ислам өнүктүрүү банкынын жана АРИС программасынын өкүлдөрү менен жолугушкан. Жолугушуунун жүрүшүндө Ислам өнүктүрүү банкы 61 айылды таза суу менен камсыздай турганын билдирген. Азырынча айылдарга таза суу киргизүү иштери качан жыйынтыкталары белгисиз.
Аталган облуста жалпысынан 89 айылда таза суу көйгөйү бар.
