Бүгүн, 17-декабрда Бишкек шаарында жүргүнчүлөрдү ташыган кичи автобус оодарылып кетти. Бул тууралуу Бишкек ШИИБдин жол кыймылынын коопсуздугун камсыздоо бөлүмүнөн билдиришти.
Маалыматка ылайык, окуя Абдраев менен Шиштубе көчөлөрүнүн кесилишинде болуп, №166 кичи автобус менен «Мазда» үлгүсүндөгү унаа сүзүшкөн. Оодарылган кичи автобустун ичиндеги жүргүнчүлөр — өспүрүм кыз менен аял киши жаракат алды. Алар ооруканага жеткирилген.
«Унаалар айып аянтчага токтотулду. Учурда тактоо, териштирүү иштери жүрүп жатат»,-деп айтылат маалыматта.
