Түркмөн жогорку окуу жайларынын жетекчилиги студенттерден “кышкы каникул учурунда мобилдик телефон жана интернет колдонбойбуз, тойлорго барбайбыз” деген тил кат алган.
Бул тууралуу “Азаттыктын” түркмөн кызматына бир нече университет менен институттардын студенттери жана окутуучулары билдирди.
Бир нече күн мурда окутуучулар студенттерден кышкы каникулда үйлөрүнө баруу үчүн учак, поезд же автобус кызматын гана колдонууну талап кылышканы кабарланган. Алар сабакка кайтып келген соң далил катары деканатка билеттерин көчүрмөсүн берүүгө милдеттендирилген.
