“Ынтымак” КРТРКнын коммерциялык бөлүмүнүн кызматкери, кесиптик кошундун төрайымы жана кассир Замира Таштанбекова 1-июнь күнү автокырсыктын кесепетинен каза болду. Бул тууралуу аталган каналдан билдиришти.
Маалыматка ылайык, анын артында 5 баласы калды.
Ал адамгерчиликтүү, боорукер, шайыр жан эле. Кесиптештеринин арасында кадыр баркы жогору, өз ишин мыкты билген кызматкер эле.
Замира Таштанбекова 1987-жылдын 27-октябрында Ош шаарынын Озгур айылында туулган. Эки бир туугандын улуусу болчу.
«SAAT.KG» маалымат агенттиги маркумдун жакындарына көңүл айтат.
