COVID-19 вирусун жуктуруп алганы катталган 26 жаӊы учурдун ичинен 14 киши Сауд Аравиясынан кичи ажылыктан келишкен, калгандары – алар менен байланышта болгондор. Бул тууралуу коронавирус менен күрөшүү республикалык штабынан билдиришти.
Бүгүн, 24-мартта аталган илдетти жугузгандардын жалпы саны 42 адамга жеткени айтылды. Алардын 20 учуру — Ош облусунда, 19 учур — Жалал-Абад облусунда, 1 учур Баткен облусунда, 2 учур Чүй облусунда катталган.
Дагы 100 жаран коронавирус жуктуруп алууга шектелип, обсервацияга алынган.
