Ош облусунун Алай районундагы Гүлчө айылында батирден чыккан өрттөн бир киши каза тапты. Бул тууралуу Өзгөчө кырдаалдар министрлигинен билдиришти.
Маалыматка караганда, Нарматов көчөсүндө жайгашкан үйдө өрт бүгүн, 5-августта, таңкы 6:00 чамасында чыккан. Жерине бир өрт өчүрүүчү топ жөнөтүлгөн.
Өрттүн кесепетинен батирдин аянты 25 чарчы метр бөлмөсү толугу менен күйгөн. Натыйжада 1977-жылы төрөлгөн киши түтүнгө ууланып каза болгон.
Өрттүн келип чыгуу себеби такталууда.
