Бишкек-Ош унаа жолунда жол кырсыгынан 3 адам каза болду (сүрөт)

Автор -

Бишкек-Ош унаа жолунда жол кырсыгынан 3 адам каза болду. Бул тууралуу ӨКМдин басма сөз кызматынан билдиришти.

Маалыматка ылайык, Жалал-Абад облусунун Сузак районунда 2018-жылдын 9-июнь күнү саат 04:30 чамасында Барпы айылында Volvo үлгүсүндөгү оор жүк ташуучу унаа менен Hyundai Porter үлгүсүндөгү унаа кагылышкан.

«Жол кырсыгынын кесепетинен жеринде 2 адам каза болгон 1963-жылы туулган Х. М. жана 1995-ж.т. Х. Х. , ал эми жаракат алган 1 адам 2006-жылы туулган Ж. Н. ооруканага баратып, жолдо каза болгон. Каза болгон адамдар Hyundai Porter унаасынын айдоочусу жана жүргүнчүлөрү болгон»,-деп айтылат маалыматта.

КР ӨКМнин №58 өрт-куткаруу бөлүмүнүн куткаруучулары окуя болгон жерге барышып, каза болгон адамдардын денелерин унаадан чыгарып, тез жардам кызматына өткөрүп беришкен.

Фото Абдишарипа Бекилова.Фото Абдишарипа Бекилова.Фото Абдишарипа Бекилова.Фото Абдишарипа Бекилова.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү