13-июнда Тажикстан парламенти пара берүү же талап кылуу үчүн жазаны катаалдатуу жөнүндөгү Кылмыш кодексине сунушталган өзгөртүүлөрдү жактырды.
Күч органдары коррупциялык кылмыштар үчүн каралган учурдагы айыппул төлөтүү жазасын натыйжасыз деп эсептешүүдө.
Парламент жыйынында Коррупцияга каршы күрөшүү боюнча мамлекеттик агенттиктин төрага орун басары Тохир Нурзода статистикалык маалыматтарга таянуу менен акыркы эки жыл ичинде коррупциялык кылмыштар көбөйгөнүн билдирди. «Мындай кылмыштар үчүн айыптар алардын көбөйүшүнө гана түрткү болот. Ошондуктан биз БУУнун сунушун эске алуу менен коррупциялык кылмыштар үчүн айыптарды жоюу зарыл деген жыйынтыкка келдик», — деди ал.
Тажикстан парламенти эки жыл мурда тиешелүү өзгөртүүлөрдү кабыл алып, «жемкорлорго» абактагы бир күнүн 200 сомониге (22 доллардын тегерегинде) алмаштырып алуу мүмкүндүгү берилген.
