Дастан Бекешев ИИМдин алдына Бурулайдын эстелигин орнотууну сунуштады

Автор -

Бүгүн, 28-июнда депутат Дастан Бекешев Ички иштер министрлигинин алдына милиция бөлүмүндө бычакталып каза болгон Бурулай Турдали кызынын эстелигин орнотууну сунуштады.

Анын айтымында, бул окуя эстен чыкпашы керек жана укук коргоо органынын кызматкерлери бул окуядан сабак алууга тийиш.

Ички иштер министринин орун басары Курсан Асанов бул окуя боюнча моралдык жоопкерчиликти тартып жатканын билдирди.

«Окуяга байланыштуу «шалаакылык» беренеси боюнча кылмыш иши козголуп, тергөө жүрүүдө. Ал эми эстелик орнотуу сунушуңузду министрге айтып көрөйүн», — деп билдирди Асанов.

Эскерте кетсек, Жайыл райондук ички иштер бөлүмүндө жигит ала качып бара жаткан кызды бычактап, андан кийин өз өмүрүн кыюуга аракет жасаган. Кыз алган жаракатынан улам көз жумган.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү