Кыргызстанда 39 миңге жакын балага сүйүнчү пул берилди

Автор -

«Февраль айынан бери 39 миңге жакын балага 4 миң сомдон сүйүнчү пул берилди»,- деп билдирет Эмгек жана социалдык өнүгүү министрлиги.

Маалыматка ылайык, буга мамлекеттик бюджеттен 158 миллион 7 миң сом бөлүнгөн.

Министрликтин маалыматына караганда, август айында балага сүйүнчү пул берүү төлөмдөрү боюнча аймактарда атайын мониторинг жүргүзүлүп, бул багыттагы көйгөйлөр аныкталмакчы. Ошондой эле төлөмдөрдүн азыркы жол-жоболоруна өзгөртүүлөрдү киргизмекчи.

Быйылкы жылдын февраль айында министрлик Мамлекеттик каттоо кызматы менен биргеликте бирдиктүү терезенин негизинде жарандардын арыздарын кабыл алуу үчүн пилоттук долбоорду ишке киргизген. Бул долбоордун алкагында жарандар сүйүнчү пул алуу үчүн Калкты тейлөө борборлоруна, Калкты жана жарандык абалдын актыларын каттоо жана маалымат күркөлөрүнө кайрылышмак.

Эскерте кетсек, жаңы төрөлгөн балдарга сүйүнчү пул берүү боюнча мыйзам 1-январда күчүнө кирип, февраль айынан баштап бериле баштаган.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү