Беларустун Кыргызстандагы биринчи ыйгарым укуктуу элчиси Сергей Руцкий каза болду. Бул тууралуу Беларустун Кыргызстандагы элчилигинен билдиришти.
Маалыматка ылайык, Руцкий 1-августта Беларустун борбору Минск шаарында көз жумган.
Ал 1992-1993-жылдары Беларус Республикасынын министрлер кеңешинин Кыргыз өлкөсүндөгү туруктуу өкүлү болгон. 1993-1995-жылдары болсо аталган өлкөнүн ыйгарым укуктуу элчиси кызматын аркалаган.
Белгилей кетсек, Сергей Руцкий эстрада ырчысы Юлия Руцкаянын атасы.
Беларусь Республикасынын Кыргызстандагы элчилиги маркумдун жакындарына жана туугандарына көңүл айтат.
