Нарын облусуна караштуу Ат-Башы районунда жол кырсыгы катталып, анда 60 жаштагы аял каза тапты. Бул тууралуу Нарын облустук Жол кыймылынын коопсуздугун камсыздоо башкармалыгы билдирди.
Маалыматка ылайык, окуя 28-август күнү кечки саат 20:20 чамасында катталган. Кырсыктын кесепетинен каза болгон аялдын эки небереси жаракат алып, жандандыруу бөлүмүнө жеткирилди.
Ат-Башы айылынын 35 жаштагы Т.Б. аттуу тургуну Ауди А6 үлгүсүндөгү унаасы менен жолдон өтүп бараткан аялды жана анын эки небересин сүзүп алган.
