Милиция ырчы Зере Асылбек кызынын дарегине болгон коркутуулар тууралуу билдирүүлөрдү текшерет.
Шаардык милициянын маалыматына ылайык, материалдар юридикалык баа берүү үчүн Бишкек ШИИБнин тергөө кызматына жөнөтүлөт.
Зере “Кыз” аттуу ырына тартылган видеону жарыялаган. Бул көптөгөн соцтармактын колдонуучулары арасында кызуу талкуу жаратты.
Кечээ, белгисиз бирөөлөр Зеренин дарегине жеке кат жөнөтүшүп, коркутуп, «Кыз» аталыштагы клипти өчүрүүнү айтышкан. Эгер клипти өчүрбөсө, «өлтүрүп кетебиз» деп жазышкан.
Ал жеке баракчасына жазылган каттардын сүрөтүн өзүнүн Facebook баракчасына жарыялаган.
