Чычкан капчыгайында жүк ташуучу унаа оодарылып, бир киши каза болду. Бул тууралуу ӨКМдин маалымат кызматы билдирди.
Маалыматка ылайык, кырсык бүгүн эртең менен Бишкек-Ош жолунун 261-чакырымында болгон. Анда MAN үлгүсүндөгү жүк ташуучу унаанын айдоочусу уктап кеткен. Унаа аласалып, айдоочу жана жүргүнчү маңдайкы айнектен учуп кетишкен. Жүргүнчү ооруканага жаткырылды, ал эми айдоочу окуя болгон жерде каза болгон.
