Чүй облусунда Эл аралык террордук уюмдун 9 мүчөсү кармалды. Бул тууралуу УКМКнын маалымат кызматы билдирди.
Маалыматка ылайык, жалпысынан чет элдик 5 жаран жана кыргызстандык 4 жаран кармалды. Алар 2017-жылдан бери Сирия менен Ооганстандагы террордук уюмга жоочуларды тартуу жана даярдоо боюнча иш алып барып келишкен.
Мындан тышкары алар Кыргызстанда жардырууларды уюштурууну көздөп жүрүшкөн. Учурда УКМК козголгон кылмыш иштин алкагында иликтөө иштерин жүргүзүп жатат.
