Өзбекстандын Бухара облусунун Паноб районундагы газ куюучу станцияда өрт чыгып, үч жеңил унаа күйүп кетти.
Өзбекстандын Өрт коопсуздугу мамлекеттик кызматынын маалыматына караганда, 1-декабрда «Делта Автогаз» ишканасына таандык газ куюучу станцияда техникалык мүчүлүштүктөрдөн улам газ сызылып чыгып, өрт чыккан.
Жыйынтыгында үч жеңил унаа, ошондой эле газ толтуруучу компрессордук станциянын беш колонкасы өрттөнүп кеткен. Жалынды өчүрүүгө 5 өрт өчүрүү бригадасы катышты.
Өрттөн жабыркагандар жок. Учурда келтирилген материалдык чыгымдын өлчөмү аныкталууда.
https://youtu.be/CwWSfD9DQRw
