Бурулай Турдаалы кызынын өлүмү боюнча Бишкектин Свердлов райондук соту өкүм чыгарды.
Бурулайдын өлүмү үчүн айыпталып жаткан Марс Бөдөшев үй-мүлкүн конфискациялоо менен 20 жылга эркинен ажыратылды. Ошо менен бирге айыпталуучу Бурулайдын үй-бүлөсүнө 800 миң сом моралдык жана материалдык чыгым катары төлөп бериши керек.
Ал эми Акмат Сеитов 7 жылга эркинен ажыратылды.
Эске салсак, Турдали кызы Бурулай 27-майда Жайыл районунун ички иштер башкармалыгынын имаратында өлтүрүлгөн.
