ӨКМдин маалыматына ылайык, кырсык 19-декабрь саат 19:42 чамасында Бишкек-Нарын-Торугарт унаа жолунун Кочкор айылында болгон. Анда «Ауди-100» унаасы менен КамАЗ унаасы кагышкан.
Жол кырсыктын кесепетинен Ауди унаасындагы 2 адам каза болуп, 1 адам жабыркаган.
Кырсык болгон жерге КР ӨКМнин №42 Өрт-куткаруу бөлүмүнүн куткаруучулары тартылып, унаада кыпчылып каза болгон адамдардын денелерин чыгарышып, тез жардам кызматына өткөрүп беришкен.
Жабыркаган адам райондук ооруканага жеткирилген.
