Бишкек шаарында Кыргызстандын футбол боюнча улуттук курама командасы үчүн концерт уюштурулат. Бул тууралуу Жаштар иштери, дене тарбия жана спорт мамлекеттик агенттиги билдирди.
Маалыматка ылайык, концерт 24-январда саат 15:00дө «Ала-Тоо» аянтында футбол боюнча Кыргыз курама командасынын катышуусунда өтөт.
«Кыргызстандыктар эртең, 24-январда Ала-Тоо аянтынан тосуп алууга болот. Аэропортко баардык күйөрмандар сыйбай турганын эске алып жана алар башкаларга тоскоолдук кылып коюшу мүмкүн болгондуктан, «ак шумкарлар» менен жолугушууну аянтта да өткөрүү чечими кабыл алынды»,-деп айтылат маалыматта.
