Жээнбаева: Кыргызстандын мамлекеттик карызы 4,4 млрд долларды түздү

Автор -

2018-жылдын жыйынтыгында Кыргызстандын мамлекеттик карызы 4,4 млрд долларды түздү, анын 85,7 пайызы тышкы карыз, 14,3 пайызы ички карыз болуп саналат. Жыл ичинде мамлекеттик карыздарды тейлөөгө 23,7 млрд сом жумшалды. Бул тууралуу каржы министри Бактыгүл Жээнбаева Жогорку Кеӊеште «КР Бюджеттик кодексине өзгөртүүлөрдү киргизүү жөнүндө» мыйзам долбоору каралып жатканда билдирди.

Министр мамлекеттик карыздарды тейлөөгө жумшалган каражаттын 7,1 млрд сому алынган насыялардын үстөк пайызын жабууга, ал эми 16,7 млрд сому негизги карыздарды жабууга чегерилгенин айтты.

«Өткөн жылы мамлекеттик инвестициялар программасы боюнча түшкөн каражат 19,6 пайызды түзүп, план 75,8 пайызга гана аткарылды. Анын ичинде, гранттар – 5,7 млрд сом, насыялар – 9,2 млрд сом»
деп кошумчалады ал.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү