Балыкчы-Каракол унаа жолундагы жол кырсыгынан 4 адам каза болуп, 2 адам жабыркады. Бул тууралуу ӨКМдин маалымат кызматы билдирди.
Маалыматка ылайык, кырсык 5-апрель күнү саат 00:41 чамасында Балыкчы-Каракол унаа жолунда болгон. Анда “Тойота-Ист” үлгүсүндөгү унаа менен “Фольксваген-Гольф-3” үлгүсүндөгү унаа кагышкан.
Жол кырсыктын кесепетинен Фольксваген унаасындагы 4 адам каза болуп, 2 адам жабыркаган. Алар жубайлар жана эки баласы көз жумган. Мындан сырткары Тойота унаасындагы 1 аял жабыркаган.
Куткаруучулар каза болгон жарандардын сөөгүн унаадан чыгарышып ИИМ кызматкерлерине өткөрүп беришкен.
Ал эми жабыркаган жарандар тез жардам кызматы тарабынан Чолпон-Ата шаардык ооруканасына жеткирилген.
