Каракчылыкка шектелип эки жаш жигит кармалды. Бул тууралуу Чүй облустук милициядан билдиришти.
Маалыматка ылайык, 16-июлда Кант шаарындагы дүкөндөрдүн бирине болжол менен саат 03:40та белгисиз адамдар келип опузалап 25 миң сом акча алып кетишкен.
Бул факт Кылмыш жана жоруктардын бирдиктүү реестринде 202-берене («Карактоо») боюнча каттоого алынган.
Милициядан белгилешкендей, окуяга тиешеси бар деп 22 жаштагы Ч.Е. жана 24 жаштагы А.Б. кармалган.
Учурда сотко чейинки өндүрүш жүрүүдө.
