Ички иштер министрлиги мурдагы президент Алмазбек Атамбаев тергөөнүн суроолоруна жазуу түрүндө жооп бере албай турганын билдирди. Бул тууралуу «Азаттыкка» аталган мекеменин басма сөз кызматынын өкүлү Карима Аманкулова кабарлады.
[ads-quote-center cite=’деди Аманкулова.’]«Алмазбек Атамбаев суракка келиши керек. Анткени тергөөнүн кызыкчылыгы жана сыры деген түшүнүктөр бар. Тергөө кызматы Атамбаев жеке өзү суракка келиши керектигин түшүндүргөн»[/ads-quote-center]
Кримтөбөл Азиз Батукаевдин абактан бошотулушу боюнча буга чейин ИИМ Атамбаевди үч жолу суракка чакырып, бирок ал баруудан баш тарткан.
Атамбаевдин өкүлү, адвокат Сергей Слесарев билдирүү таратып, мурдагы президенттин ИИМге суракка барууга ниети жок экенин айткан. Анда Атамбаев Азиз Батукаевдин мөөнөтүнөн мурда бошотулганы боюнча тергөөнүн суроолоруна маалымат каражаттары аркылуу ачык жооп берүүгө даяр экенин билдирген.
