Бишкек – Ош унаа жолунун Чычкан капчыгайында 2 жеңил жана бир жүк ташуучу унаалар катышкан жол кырсыгы катталып, бир адам көз жумду. Бул тууралуу Жалал-Абад облустук Жол кыймылынын коопсуздугун камсыздоо башкармалыгынан билдирди.
Маалыматка ылайык, “ДАФ” үлгүсүндөгү жүк ташуучу унаанын 30 жаштагы М.А., аттуу айдоочусу 46 жаштагы Т.Т., аттуу жаран башкарып келе жаткан “БМВ” унаасын сүзгөн. Андан кийин 26 жаштагы К.уулу А. айдаган “Мерседес-Бенц” унаасы менен кагышкан. Анын кесепетинен “Мерседес-Бенц” унаасынын айдоочусу Токтогул райондук ооруканага жеткирилгенден кийин каза болгон.
Учурда териштирүү иштери жүргүзүлүп, тийиштүү чаралар көрүлүп жаткандыгы кабарланды.
