Келинин суицидге түрткөн кайната 5 жылга эркинен ажыратылды

Автор -
220

Тажикстандын Жайхун районунун жашоочусу Эмом Забиров 18 жаштагы келинин суицидге түрткөнү үчүн 5 жыл 2 айга эркинен ажыратылды. Прокурор аны 8 жылга кесүүнү сураган.

Забиров быйыл июнь айында кармалган. 64 жаштагы Эмом Забиров жазасын катаал режимдеги колонияда өтөйт.

Гулбахор Фаромарзова 2018-жылы турмушка чыккан. Жарым жылдан кийин жолдошу иштөө үчүн Орусияга кеткен. Ал 2019-жылы 15-апрелде өз үйүнүн сарайында муунуп өлгөн. Маркумдун күйөөсүнүн туугандары Гүлбахордун психикасы туруктуу болбогонун, бул трагедияга алып келгенин билдиришкен. Бирок соттук-медициналык экспертиза маркумдун ден соолугу чың экенин аныктаган.

Тергөө органдары кайната келинин дайыма кемсинтип, катуу мамиле жасаганын тастыкташкан.

Соттолуучунун туугандары өкүмгө макул болбой, жогорку инстанцияга доо арыз менен кайрылышарын билдиришти.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү