Кыргызстан XXIX Дүйнөлүк кышкы универсиадага катышат. Бул тууралуу Жаштар иштери, дене тарбия жана спорт агенттиги билдирди.
Маалыматка ылайык, Кыргыз Республикасынын спорттук делегациясы Красноярск шаарында 2-марттан 12-мартга чейин өтө турган XXIX Дүйнөлүк кышкы универсиадага катышат.
«Биздин спортчулар спорттун 3 түрүндө таймашка чыгышат: лыжа жарышы, спортко багыттоо жана сноуборд. Бул спорттук иш-чарага катышуу үчүн Жаштар иштери, дене тарбия жана спорт боюнча мамлекеттик агенттиктин бюджетинен 987 миң сом бөлүнгөн»,-деп билдирди аталган мекеменин маалымат агенттиги.
Делегациянын курамы:
Маским Гордеев – лыжа жарышы боюнча спортчу;
Евгений Тимофеев – лыжа жарышы боюнча спортчу;
Игорь Борисов – лыжа жарышы боюнча машыктыруучу;
Алексей Вакурин – сноуборд боюнча спортчу;
Тимур Губаев – сноуборд боюнча машыктыруучу;
Эльзар Абдыракманов – спортко багыттоо боюнча спортчу;
Алымбек Калыс уулу – спортко багыттоо боюнча спортчу;
Кубаныч Эрмеков – делегациянын жетекчиси.
Маалымат үчүн:
Мелдештерге 17 жаштан 25 жашка чейинки студенттер, мелдеш өткөрүлгөн жылдан мурунку жылы академиялык даража же диплом алган бүтүрүүчүлөр катыша алышат. Спортчулар 11 спорттун түрү боюнча 76 медаль комплектин ойнотушат: биатлон, тоо лыжа спорту, керлинг, лыжа жарышы, сноуборд, лыжа менен спортко багыттоо, музда көркөм тебүү, фристайл, хоккей, топ менен ойнолучу хоккей, шорт-трек.
