Лейлек районунда «Форд Транзит» үлгүсүндөгү унаа кырсыкка кабылып, 6 жаштагы бала каза болду. Бул тууралуу бүгүн, 22-июлда ӨКМден билдиришти.
Маалыматка ылайык, унаанын айдоочусу Исфана—Андарак унаа жолунун 13-15-чакырымында башкарууну жоготуп, сайга түшүп кеткен.
Жол кырсыктын кесепетинен 2013-жылы туулган К.Б. ошол жерде каза болгон. 38 жаштагы айдоочу М.Ж. жеңил жаракат алган. Куткаруучулар унааны ачып, каза болгон баланы чыгарып беришкен.
