Бүгүн, 21-ноябрда Бишкектин айрым көчөлөрүндө суу түтүктөрүн оңдоо иштерине байланыштуу ичүүчү суу убактылуу берилбейт. Бул тууралуу “Бишкек суу канал” ишканасынан билдиришти.
Маалыматка ылайык, саат 09:00дөн 19:00гө чейин Матросов көчөсүндө, Ахунбаев көчөсүнөн Горький көчөсүнө чейинки бөлүгүндө ичүүчү суу жок болот.
“Бишкек суу канал” ишканасы мындай ыңгайсыздык үчүн шаар тургундарынан кечирим сурап, алдын ала суу камдап алууну суранды.
