Жалал-Абадда өзбек ишкерлеринин колдоосу менен курулган логистикалык борбор иштей баштады

Автор -

Жалал-Абад шаарында жашылча-жемиштерди сактоо үчүн курулган логистикалык борбор иштей баштады. Ал ар биринде 100 тоннага чейин азык сактоого мүмкүн болгон төрт бөлүктөн турат.

Учурда анда 15 тонна капуста, 80 тонна картөшкө жана 40 тонна алма сакталып турат. Борбор Кытайдын жана Өзбекстандын ишкерлеринин колдоосу менен 110 миң долларга курулган.

«Логистикалык борбор электр жарыгы үчүн коммерциялык баада акы төлөп жатат. Биз өндүрүүчү ишкана эмеспиз жана эч нерсе экспорттобойбуз. Эгер сактоо ишканасы үчүн жеңилдиктер болбосо, анда иштөө оор болот», — деп билдирди борбордун жетекчиси Гүлназ Эргешова.

«ЖИА» ассоциациясынын өкүлдөрү бул маселе боюнча парламенттин тиешелүү комитетине кайрылууга ниеттенип жатат.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү