Тажикстандын чыгышындагы Сангвор районунда селден улам көпүрө бузулуп, үйлөр жана жолдор суунун алдында калды.
“Азаттыктын” тажик кызматы кабарлагандай, табият кырсыгы бир нече үйдү кыйратып, жер-жемиш, эгин талааларын жууп кетти.
Тажикстан Өзгөчө кырдаалдар жана жарандык коргонуу комитети чыгымдарды баалоо үчүн атайын топ түзүп, аймакка жөнөттү. Курмандыктар жок.
Комитет өткөн аптада аба ырайы өтө ысый турганын эскертип, жарандарды этият болууга чакырган. Мекеме тоолуу аймактарда кар, муз ээрип, суу кириши мүмкүн экенин билдирген.
Быйыл март айында Сангвор районунда кар көчкү жүрүп, онго жакын турак-жай бузулган.
