Ташкентте соода борборундагы кыйроодон төрт киши ажал тапты

Автор -

28-августта Ташкентте курулуш жүрүп жаткан «Riviera» соода комплексинде металлоконструкция кыйрады. Анын кесепетинен төрт курулушчу мерт болду, экөө жаракат алды. Бул тууралуу Өзбекстан Өзгөчө кырдаалдар министрлиги билдирди.

Министрлик калган маалыматтар кийинчерээк берилерин кошумчалаган.

Жергиликтүү басылмалар кабарлагандай, «Riviera» соода борбору Ташкенттин Алмазар районунда курулууда. Металлоконструкция 28-августта чак түштө кыйраган. Окуя болгон жерге Өзгөчө кырдаалдар министрлигинин жетекчилери да келген.

Жаракат алган эки киши Республикалык тез медициналык жардам көрсөтүү илимий борборуна жеткирилген.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү