29-июнь күнү Баткен районундагы Ак-Татыр айыл аймагына караштуу Орто-Боз айылында 10-12 жаштар чамасындагы өспүрүм жалгыз жүргөн жеринен табылган. Бул тууралуу Баткен облустук ички иштер башкармалыгынын маалымат кызматы билдирди.
«Өспүрүм кечээ болжол менен кечки саат 21:30да табылган. Баланын сүйлөө жөндөмү жок болгондуктан, анын аты-жөнүн тактоо кыйынчылык жаратууда. Буга байланыштуу Баткен ОИИБи баланы тааныган-билгендер болсо, анын туугандарын табууга жардам берүүңүздөрдү суранат», — деп айтылат маалыматта.
Баланын бою 135-140 сантиметр, чачы кара-күрөң түстө.
Байланыш телефондору: 03622 51756, 0776 00 15 05, 0777 07 15 15, 0550 88 01 64.
