Бүгүн Кытай Эл Республикасынын түзүлгөнүнүн 70 жылдыгы белгиленүүдө. Буга байланыштуу Бээжинде ири аскердик парад өттү.
Анда сөз сүйлөгөн Кытайдын лидери Си Цзиньпин «бир дагы күч өлкөнүн позициясын бошоңдото албай турганын» белгилеп, өлкө «өз ара пайда алып келе турган» дүйнөгө ачылуу саясатын улантарын билдирди.
Парадга жалпысынан 15 миңге жакын жоокер катышты. Анда башка аскердик техникалар менен катар АКШга чейин учуп жетүүгө кудуреттүү DF-41 үлгүсүндөгү континенттер аралык баллистикалык ракеталар көрсөтүлдү.
