«Сот Эл аралык “Дүйнө сулуусу-2018” сынагынын жеңүүчүсү, маркум Сания Шакированын болочоктогу жолдошун үй камагына чыгарды»,- деп билдирди Ысык-Көл облусунун ички иштер башкармалыгынын басма сөз кызматы.
Белгилей кетсек, 2-июнда Чок-Тал айылына кире бериште айдоочу унааны башкара албай жолдун четиндеги тосмону сүзгөн. Унаанын ичиндеги Сания Шакирова алган жаракаттан улам жеринде каза болгон. Унааны анын болочоктогу жолдошу башкарып бара жаткан. 7-июнь күнү Шакирова кырсыкка кабылган унаанын айдоочусу эки айга камакка алынган. Соттук-медициналык экспертизанын жыйынтыгы айдоочунун мас абалында болгондугун көрсөткөн.
Облустук сот кармалган жарандын баш коргоо чарасын карап, тергөө аягына чейин аны үй камагына чыгаруу чечимин чыгарган.
