Коомдук «Юксалиш» кыймылы жергиликтүү жана чет өлкөлүк эксперттердин арасында сурамжылоо жүргүзүп, Өзбекстан президенти Шавкат Мирзиёевдин негизги он демилгесинин тизмесин түздү.
Талдоочулар коңшу өлкөлөр менен мамилени жакшыртуу, чек араларды ачуу, көзөмөл-өткөрмө бекеттерин түзүү, Борбор Азиядагы бардык өлкөлөр менен конструктивдүү диалогду орнотуу Мирзиёевдин эң көрүнүктүү демилгеси болгонун белгилешкен.
Тизмеде орун алган калган демилгелери:
2. Валюта рыногун либералдаштыруу, нак акча көйгөйүн чечүү— 90 добуш;
3. Мажбурлап иштетүү тажрыйбасын жоюу — 79 добуш;
4. Жогорку билим берүү системасын өнүктүрүү: ЖОЖдорго тапшыруу квоталарын көбөйтүү, улуттук жана чет өлкөлүк окуу жайлардын филиалдарын ачуу — 78 добуш;
5. Медиа мейкиндигин кеңейтүү, ММКлардын коомдогу ролун күчөтүү — 69 добуш;
6. Президенттин виртуалдык жана элдик кабыдама институттарын киргизүү — 63 добуш;
7. Күч түзүмдөрүн жана укук коргоо органдарын реформалоо — 61 добуш;
8. Салык реформасы — 59 добуш;
9. Мамлекеттик кызмат көрсөтүү системасын өнүктүрүү — 58 добуш;
10. Аймактык коопсуздукту камсыздоо чараларын кабыл алуу, Ооганстанда тынчтыкты орнотуу боюнча сүйлөшүүлөрдүн жанданышы — 57 добуш.
Билдирүүдө президенттин демилгелерин сындаган комментарийлерге орун берилген эмес.
Шавкат Мирзиёев бүгүн, 24-июлда туулган күнүн белгилөөдө. Ал 62 жашка толду.
